近日有個個案，想寫低。一位搬貨工人，搬完重物之後，左手肘外側開始痛；醫生轉介過嚟，話懷疑網球肘。

我先睇活動幅度——主動活動大致完整。抗阻測試入面，得旋前（pronation）嗰下痛 ++；其他方向相對冇咁明顯。

跟住觸診前臂、上臂，其實未摸到異常張力或者激痛點。同我印象中「局部網球肘」嗰種畫面，有啲唔啱。

於是我沿住張力往上追：左側小圓肌、豎脊肌，壓痛好明顯。呢一步令我開始懷疑——問題未必淨係停喺手肘。

我試咗做 trunk rotation 之後，再測抗阻旋前——痛大幅降低。

我停低問病史：腰有冇事先？原來一星期前扭過腰。

動態穩定性測試，左腹穩定性明顯差好多。

因果慢慢清楚：扭腰之後，軀幹近端唔穩定，上肢就要過度代償；痛喺手肘外側呈現，但根源唔止喺嗰度。

治療上，我鬆開由腰到肩胛一啲緻密、張力位；之後旋前已經唔好痛。再加上核心訓練，覆診多一次，就好返。

寫呢篇，唔係話每個網球肘都係腰嘅問題——而係提醒自己：尊重個體差異，梳理受傷脈絡，認真觸診。

有時唔係咁複雜。身體比你以為嘅，強好多。

Your body is way stronger than you think it is.

共勉之。

David So · 註冊物理治療師｜觀塘 · 將軍澳